--------------------------------------------- Advertisements ---------------------------------------------
Breaking News
Loading...
Wednesday, October 5, 2016

Info Post

දිගටම එන මරණ තර්ජන වලට බියවී විග්නේෂ්වරන් ආරක්ෂාව ඉල්ලයි

උතුරු මහ ඇමති සී.වී.විග්නේෂ්වරන් මහතාට පූර්ණ ආරක්‍ෂාව සලසාදීමට රජය සමග සාකච්ඡා කරමින් කඩිනමින් පියවර ගන්නැයි ඉල්ලමින් දෙමළ ජාතික සන්ධානයේ මහ ලේකම් පාර්ලිමේන්තු මන්තී‍්‍ර මාවෙයි සේනාධිරාජා මහතා විසින් 
එම සන්ධානයේ නායක විපක්‍ෂනායක ආර් සම්බන්ධන් මහතාගෙන් ඉල්ලීමක් කර තිබේ.දකුණේ ජාතිවාදී බලවේග වලින් තමාට ජීවිත තර්ජන එල්ල වී ඇති බවට හා එහි වරද කොටි සංවිධානය පිට පැටවීමේ සූදානමක් පවතින බවට උතුරු මහ ඇමති කළ ප‍්‍රකාශය පිළිබද ඔහු ලිපියක් මගින් විපක්ෂ නායකවරයාට පෙන්වා දී ඇත.
විග්නේෂ්වරන් මහතා මරණ තර්ජනවලට ලක්ව ඇතිනම් එය බරපතල කරුණක් බව පෙන්වා දෙන සේනාධිරාජා මහතා දෙමළ ජාතික සන්ධානය වශයෙන් අප ජනාධිපති මෛත‍්‍රීපාල සිරිසේන මහතාට සහ පොලිස්පති පූජිත් ජයසුන්දර මහතා වෙත පැමිණිලි කර ඔහුගේ ආරක්‍ෂාව තර කර දිය යුතු බව එම ලිපියේ සදහන් කර තිබේ.
එමෙන්ම උතුරු මහ ඇමතිවරයාට එලෙස මරණ තර්ජනයන් සිදුකරන්නේ කවුරුන්ද කුමන පාර්ශවයන්ද යන්න සොයා බලා ඔවුන් අත්අඩංගුවට ගත යුතු බවද සේනාධිරාජා මහතා සදහන් කර සිටී.


0 comments:

Post a Comment