--------------------------------------------- Advertisements ---------------------------------------------
Breaking News
Loading...
Monday, August 15, 2016

Info Post

ලිංගිකව පරිපූර්ණ නොවූ අඹුසැමියන්


 වර්තමානයේ බොහෝ පවුල් ජීවිත දික්‌කසාදවලින් තොරව ගැටගසාගෙන යන්නේ දූ දරුවන් නිසා යෑයි බොහෝ දෙනා පවසති. විවාහ වීමට පෙර කුරුළු ජෝඩු වගේ සිටි පෙම්වතුන් විවාහ වී වසරක්‌ දෙකක්‌ යන විට දරුමල්ලන් ලැබෙන විට එකිනෙකා දුරස්‌ව යැමට පටන් ගන්නා බව ඔවුහු පවසති.

මෙවන් පසුබිමක විවාහ වී අඹුසැමියන් ලෙස ලිංගිකව එක්‌ නොවූවන් අප සමාජයේ සිටින බව පැවසුවහොත් ඔබ පුදුම විය හැකිය. මෙය විවෘත ලෙස කතාබහට ලක්‌ නොවූවද එවැනි පවුල් ශ්‍රී ලංකාවේ සිටිති.

දරුමල්ලන් සිටින පවුල්වලද ආරවුල් පවතින විට මෙවැනි අඹුසැමියන් අතර ඇතිවිය හැකි ආරවුල් කෙතරම් විය හැකිද? ඔවුන්ගේ පවුල් ජීවිත කෙසේ විය හැකිද? එබැවින් ලිංගිකව පරිපූර්ණ නොවූ විවාහයන් ලෙස හඳුන්වන මෙම විවාහයන්ට බලපා ඇති ගැටලු පිළිබඳව අපි විමසා බලමු.

ලිංගිකව පරිපූර්ණ නොවූ විවාහයක්‌ යනු විවාහක යුවළක්‌ ලිංගික සංසර්ගයේ යෙදීමට අපොහොසත් වූ තත්ත්වයකි. එසේ වීමට බලපාන හේතු රැසක්‌ ඇත. මානසික මෙන්ම ශාරීරික හේතු නිසා ද මෙවැනි තත්ත්වයන් ඇතිවේ. තරුණ යුවලකගේ ලිංගික එකතුවීම අපහසු කරන කාරණා අතරින් මූලිකත්වය ගන්නේ මානසික හේතූන්ය.

මෙවැනි මානසික තත්ත්වයනට මූලික හේතු ලෙස ලිංගිකත්වය හා ලිංගික අවයව පිළිබඳව ඇති දැනුම මඳ බව, විවාහ උපදේශනය ලබා නොතිබීම, සංස්‌කෘතික හා සමාජයීය මත අනුව ලිංගිකත්වය වරදක්‌ ලෙස දැකීම, හැඳින් විය හැකිය. මීට අමතරව ලිංගිකව එකතුවීම වේදනාකාරී විය හැකිය යන බිය පලමු එක්‌වීමේදී රුධිරය පිටවීම සම්බන්ධයෙන් ඇති බිය. ගැබ් ගැනීමකට ඇති බිය. කන්‍යාභාවය ඔප්පු කිරීමට ඇති බියද ලිංගික එකතුවීම වැළැක්‌වීමට හේතුවිය හැකිය.

ඉහත සඳහන් කළ මානසික හා සමාජීය කාරණාද වෙනත් ශාරීරික හේතුද ලිංගික බෙලහීනතාවය ලිංගිකව එක්‌වීමට ප්‍රථම ධාතුපිටවීම සහ කාන්තාවන්ගේ වැජිනිස්‌මස්‌තත්ත්වයද ඇතිවිය හැකිය.

මඳ සරුබවින් පෙළෙන අඹු සැමියන්ගෙන් 5% කට වැඩි පිරිසකට හේතුවද ලිංගිකව එකතුවීමට නොහැකි වීමය.

මෙසේ ලිංගිකව එකතුවීමට අපහසු වූ අඹුසැමියන් ඊට මුහුණ දෙන ආකාරය විවිධය. ඇතැම් දෙනා සාකච්ඡාවෙන් සහ අවබෝධයෙන් මෙම ගැටලු විස¹ ගැනීමට සමත්වෙති. තවත් පිරිසක්‌ ලිංගිකව එකතු නොවුනද ඉන් බැහැර වූ අනෙකුත් ලිංගික ක්‍රියාකාරකම්වල යෙදෙති.

අවාසනාවකට වැඩි පිරිසක්‌ නැවත නැවතත් ලිංගිකව එකතුවීමේ අපහසුතාවයට මුහුණදීමේ බියෙන් එම ක්‍රියාවලියෙන් සම්පූර්ණයෙන්ම දුරස්‌වෙති. ඉන් විවාහ ජීවිතය කඩාබිඳ දමාගනිති.

මේ සඳහා වෛද්‍ය ප්‍රතිකාර ලබාගන්නට යොමුවන්නේද යම් පිරිසකි. ඇතැම්විට මෙම තත්ත්වය සඳහා ප්‍රතිකාර සඳහා යොමුවන්නේ ගැටලු සංකීර්ණ වූ විටදීය. ඇතැම් අවස්‌ථාවලදී මෙම ලිංගිකව පරිපූර්ණ නොවූ විවාහය දික්‌කසාදවලින් කෙලවරවේ. ඒ අතර තවත් පිරිසක්‌ මින් දැඩි ලෙස පීඩාවට පත්ව දරුඵල ලබාගැනීම සඳහා ශුක්‍රාණු කෘත්‍රිමව ගර්භාෂයේ තැන්පත් කිරීමට හා නළ දරු තාක්‍ෂණය වැනි විසඳුම්වලට යොමුවෙති.

නමුත් මෙම ගැටලුව විශේෂඥ වෛද්‍යවරයකුගෙන් නිසි ප්‍රතිකාර ලබාගැනීම මගින් පහසුවෙන් නිවැරැදි කර ගත හැකිය. එනිසා විවාහ දිවිය කඩා බිඳ ගැනීම හෝ කෘත්‍රිම ප්‍රජනන ක්‍රම සඳහා යොමුවීම අපරාධයකි.

ලිංගිකව පරිපූර්ණ නොවූ අඹුසැමියන් සඳහා ප්‍රතිකාර ලබාදීමේදී දෙදෙනාම කායික පරීක්‍ෂණයකට ලක්‌ කිරීම වැදගත්ය. එවිට දෙදෙනාට පවතින ගැටලු හඳුනා ගැනීමට පහසුය.

උදාහරණයක්‌ ලෙස ඇතැම් කාන්තාවන්ගේ කන්‍යාපටලයේ පවතින වෙනස්‌කම් දැක්‌විය හැකියි. එනම් කන්‍යාපටලය අධික ලෙස ඝනකමට පැවතිය හැකිය. එවැනි අවස්‌ථාවකදී ඊට අදාළ ප්‍රතිකාර සිදුකිරීමට පහසු වේ.

එසේම මානසික උපදේශනය, චර්යා චිකිත්සාව ලිංගික අවයව, ලිංගික ඉරියව්, ලිංගික උත්තේජනය පිළිබඳව නිසි දැනුවත් බව ලබාදීම තුළින් මෙවැනි අඹු සැමියන්ගේ පවතින ගැටලුවලට විසඳුම් ලබාදිය හැකිය.

විශේෂයෙන්ම වැජිනිස්‌මස්‌ තත්ත්වය සඳහා කාන්තාව තුළ ක්‍රමානුකූලව සංවේදය ඇති කිරීම ප්‍රතිකාර ක්‍රමයක්‌ ලෙස භාවිත කරනු ලැබේ. එබැවින් ලිංගිකව පරිපූර්ණ නොවූ විවාහයන් සඳහා නිසි විශේෂඥ වෛද්‍යවරයකුගේ උපදෙස්‌ ලබාගෙන මතුව ඇති ගැටලු ඉතා පහසුවෙන් විස¹ගත හැකිය. එසේ ගැටලු විස¹ගෙන තම ලිංගික දිවිය පරිපූර්ණ තත්ත්වයට පත්කරගෙන සාර්ථක යුගදිවියක්‌ ගත කිරීමට පිළිවන.

පවතින ගැටලු කාලයක්‌ තිස්‌සේ පවතී නම් ඉන් එකිනෙකා අතර ඇති සම්බන්ධතාවලට ගැටලු මතුව තිබේ නම් ලිංගික ගැටලුවලට අමතරව දෙදෙනා අතර පවතින සම්බන්ධතාවයේ ගැටලුද නිරාකරණය කර ගැනීම සඳහා යොමුවිය යුතුය. එවිට වඩා සාර්ථක ප්‍රතිඵල ලබාගැනීමට පිළිවන.

ලිංගික ගැටලු පිළිබද
විශේෂඥ වෛද්‍ය
ලසන්ත මලවිගේ
 උපුටා ගැනීම  - දිවයින



0 comments:

Post a Comment